-
கசங்கிய கைப்பை,
திறந்ததும் பளிச்சிட்டது கோஹினூர் வைரம்.
வயதான என் அம்மாவின் முகம்.
-
மடியில் கனம்,
மறைத்து செல்கிறாள்.
சம்பள நாள்.
-
சொற்களால் வலை பின்னும்
ஒரு நவீன சிலந்தி -
தொலை பேசி!
-
இதயத்தை இதமாய் உறிஞ்சும்
இரண்டு தேனீக்கள் -
கண்கள்!
-
வேரிலே பூவேந்தி
தலை கீழாய் ஒரு மரம் -
மின் விளக்கு கம்பி!
-
திருவிழாவில் மகிழ்கிறது,
பலிகடா ஆடு -
வாக்காளன்!
-
இந்த சமுத்திரத்தின்
ஒவ்வொரு துளியும் முத்து -
அகராதி!
-
சிந்தச் சிந்த இலேசாகும்
ஒரு கண்ணீர்க்குடம் -
இதயம்!
-
வளர்ந்த உயிர்
வளர்கின்ற உயிரை கொல்கிறது;
புல் மேயும் ஆடு!
-
நிதம் ஒரு மலர்;
புதுப் புது வண்ணங்கள்;
செய்தித்தாள்!
-
ஒருவோடோரொருவரின்
எண்ணங்களை இணைக்கும் கிறுக்கல்கள்;
எழுத்து!
-
எண்களுக்குள்
சில எண்ணங்கள்;
சுடோகு!
-
இன்பத் தற்கொலை -
மனதுள் உறையும் கவிக்குறுவாள்;
ஹைக்கு!
ஹைக்கூ சிதறல்கள் - 2
ஹைக்கூ சிதறல்கள் - 3
